ChatGPT: Sisira sa Thesis Ko?

Kasalukuyan naming sinisimulan ang aming thesis sa Computer Science. Aminado akong marunong naman akong mag-code, sadyang tinatamad lang. Isa pa, halos lahat na rin naman ngayon ay gumagamit ng ChatGPT para mapabilis ang mga gawain. Ang proyekto namin ay isang Content Management System (CMS) para sa isang lokal na news site.

Para sa tools at tech stack, ginagamit namin ang Apache kasama ang Node.js. Maayos na ang lahat at gumagana na ang basic functions nito: ang pag-add, pag-delete, at pag-display ng content. Wala na kaming problema sa backend; ang lahat ay 'solved' na.

Ngunit, mayroon kaming isang malaking balakid – ang User Interface (UI) ay pangit. Kailangan itong pagandahin at gawing presentable. Kaya naman, bilang "shortcut," ibinigay ko kay ChatGPT ang aming CSS code at hiniling kong ayusin niya. Sa una, gumanda naman kaunti ang itsura.

Subalit, napansin kong masyadong maliit ang overall fonts, kaya pinayagan ko uli siyang ayusin. Nang bumalik ang code, lumaki na nga ang fonts, pero laking gulat ko nang makitang nawawala naman ang ilang seksyon ng website!

Tinanong ko si ChatGPT, "Bakit ganito? Nasaan ang mga nawawalang seksyon?" Ang sagot niya, kailangan ko lang daw linisin ang mga CSS rules na hindi ko ginagamit. Ang problema, ginagamit ko ang lahat ng iyon! Dagdag pa niya, iniscan niya raw ang HTML ko at nakita niyang hindi ginagamit ang ibang CSS. Loko, wala naman akong in-upload na HTML! Malinaw na palusot lang.

Buong pagkadismaya ko siyang inutusan na ibalik sa dati ang code. Pero ang tanong niya sa akin, "Alin ang ibabalik? Wala naman akong natanggap na original CSS, ako ang gumawa ng lahat." Nakakapikon! Para kaming nagtatalo ng totoong tao sa computer screen.

Kaya wala akong nagawa kundi kinopya-paste ang original CSS code at ipina-analyze sa kanya. Ang sabi niya, masyado raw malaki ang fonts kaya niliitan niya. At doon, balik na naman sa simula ang aming pagtatalo at ang aking pagtatrabaho.

Sa ngayon, patuloy pa rin ang aming pakikipaglaban sa thesis na ito, kasama ang 'katulong' naming AI. I-a-update ko na lang kayo kapag natapos na namin ang proyektong ito.

NAIA Terminal 1: Ramdam Ang Bagong Bilis!